თბილისის “ვიტ ჯორჯიამ” უეფას თასის საწყის საკვალიფიკაციო რაუნდის მატჩში, სლოვაკურ “სპარტაკთან” ორბურთიანი უპირატესობა გაანიავა და ყაიმს დასჯერდა, თუმცა, საპასუხო მატჩის წინ მაინც უკეთეს მდგომარეობაში იმყოფება.
ტრნავაში ანტონ მალატინსკის სახელობის სტადიონზე 5 ათასამდე მაყურებელის თვალწინ გამართულ მატჩში, “ვიტ ჯორჯიამ” პირველი ტაიმი ლომაიასა და რაზმაძის გოლების წყალობით მოიგო, თუმცა, დასკვნით წუთებში სლოვაკთა იერიშებს ვეღარ გაუძლო.
“სპარტაკის” ერთ-ერთმა ლიდერმა ვლადიმირ კოზუხმა თბილისელებს პირველი გოლი 74-ე წუთზე გაუტანა, მსაჯის მიერ კომპენსირებულ დროში კი ბერნატმა ბედიაშვილი კიდევ ერთხელ დაამწუხრა და სლოვაკებს შემდეგ ეტაპზე გასვლის შანსი შეუნარჩუნა.
განმეორებითი მატჩი 31 ივლისს თბილისში შედგება.
უეფას თასის პირველი საკვალიფიკაციო რაუნდი. ტრნავა (სლოვაკეთი). “ანტონ მალატინსკი”. 4950 მაყურებელი
“სპარტაკი” (სლოვაკეთი) – “ვიტ ჯორჯია” (საქართველო) 2:2 (0:2)
“სპარტაკი”: რიბანსკი, პონჩაკი, ჩიფერსკი, დოლეჟალი, ჰანცელი, დურისი (გულდანი, 64), კოპუნეკი, იელენკოვიჩი, პერესი (ჰრუშკა, 46), ფილიპოვიჩი (ბერნატი, 56), კოზუხი.
მწვრთნელი: ვლადიმირ ვერმეზოვიჩი.
“ვიტ ჯორჯია”: ბედიაშვილი, ბეჭვაია, კვახაძე, დ.ლომაია, ჯაფარიძე, რაზმაძე, გ.დათუნაშვილი, მელქაძე (კვაღინიძე, 64), კლიმიაშვილი, კვარაცხელია (გუჩაშვილი, 69), ლიპარტია (ყველაშვილი, 82).
მწვრთნელი: ნესტორ მუმლაძე.
გოლები: 0:1 ლომაია, 0:2 რაზმაძე (პენ.), 1:2 კოზუხი (74), 2:2 ბერნატი (91).
გაფრთხილება: კოზუხი (35), ჰანცელი (61), ლომაია (35), რაზმაძე (47), ბეჭვაია (82).
მსაჯი: ვალგეირსონი (ისლანდია).