2007-08 წლების სეზონის მეორე ნახევრისთვის მზადების მიზნით, დღეს, ბოლნისში ადგილობრივ “სიონსა” და “ზესტაფონს” შორის ამხანაგური მატჩი შედგა, რომელიც ფრედ 1:1 დასრულდა. “ზესტაფონის” ოფიციალური ინტერნეტ-გვერდის ცნობით, შეხვედრაში ანგარიში მასპინძლებმა მე-10 წუთზე გახსნეს, 33-ე წუთზე კი “ზესტაფონის” ვეტერანმა ფორვარდმა ზურაბ იონანიძემ წონასასწორობა აღადგინა და საბოლოო ანგარიში დააფიქსირა. საქართველოს ჩემპიონობისთვის მებრძოლი “ზესტაფონი”, 23 იანვრდან, მზადებას თურქეთის საკურორტო ქალაქ ანტალიაში გააგრძელებს. “ზესტაფონი” პირველი წრის შემდეგ საქართველოს ჩემპიონატის უმაღლესი ლიგის გათამაშების ცხრილში 34 ქულით მე-2 ადგილზე იმყოფება და ლიდერს, თბილისის “დინამოს” მხოლოდ 2 ქულით ჩამორჩება. ბოლნისის “სიონი” კი, 15 ქულით, მე-9 ადგილზეა