საფეხბურთო კლუბი “ვიტ ჯორჯია”, სეზონის მეორე ნახევრისთვის მზადებას განაგრძობს.
კლუბის ოფიციალური ინტერნეტ-გვერდის ცნობით, ნესტორ მუმლაძის შეგირდები, 3-დან 18 თებერვლამდე, შეკრებას თურქეთის საკურორტო ქალაქ ქემერში გაივლიან.
თბილისელები სასტუმრო “ტურკიზში” დაბინავდებიან. გუნდის განკარგულებაში იქნება სამი სტანდარტული ზომის საფეხბურთო მოედანი, ორი მინი მოედანი და ორიც საჩოგბურთო კორტი, დახურული საცურაო აუზი და აღდგენითი ცენტრი.
ქართული კლუბი, თურქულ შეკრებაზე 4-5 ამხანაგური მატჩის გამართვას გეგმავს.
“ვიტ ჯორჯია”, პირველი წრის შემდეგ, საქართველოს ჩემპიონატის გათამაშების ცხრილში, 31 ქულით, მესამე ადგილზე იმყოფება და ხუთი ქულით ჩამორჩება ლიდერ “დინამოს”.