თურქეთში შეკრებაზე მყოფმა თბილისის “დინამომ”, ამხანაგური მატჩი უკრაინის უმაღლესი ლიგის კლუბ ზაპოროჟიეს “მეტალურგთან” ჩაატარა და 1:2 დამარცხდა.
ამის შესახებ, “დინამოს” პრეს-ცენტრის ხელმძღვანელმა, გიგა გვეცაძემ შეგვატყობინა ანთალიიდან.
განვლილი შეხვედრა “დინამომ” ასეთი შემადგენლობით ჩაატარა: ლორია, შ-კაშია, ზელიჩი (62. გ. კაშია), კრშკო, დობეში (67. გველესიანი), ოდიკაძე, ხმალაძე, ნერგაძე (46. თომაშვილი), გრიგალაშვილი, ხუციშვილი, სპასოევიჩი (60. ვაწაძე).
მატჩში ანგარიში “მეტალურგის” ფეხბურთელმა ლაზაროვიჩმა  გახსნა მე-19 წუთზე, ხოლო 35-ე წუთზე, “დინამოს” კარი კაბანოვმა აიღო. თბილისელთა მხრიდან ერთადერთი გოლი, 73-ე წუთზე, გურამ კაშიამ გაიტანა ოდიკაძის მიერ მოწოდებული კუთხურის შემდეგ.
“დინამოს” შემადგენლობაში, ტრავმების გამო, არ უთამაშიათ დავით დიღმელაშვილს, გიორგი მერებაშვილსა და აკირემს.