საქართველოს მოქმედმა ჩემპიონმა რუსთავის “ოლიმპის” ფეხბურთელთა გუნდმა, თანამეგობრობის თასის გათამაშება გამარჯვებით დაიწყო.
ქართულმა კლუბმა, დღეს, ტურინირის პირველ მატჩში, სერბეთის “ოფკ” ანგარიშით 2:0 დაამარცხა.
ჯგუფის მეორე შეხვედრა ლატვიის “ვენტსპილსსა” და ყირგიზეთის “დორდოი-დინამოს” შორის, ლატვიელთა გამარჯვებით, 1:0 დასრულდა.
პირველი ტურის შემდეგ, ჯგუფს 3-3 ქულით, “ოლიმპი” და “ვენტსპილსი” ჩაუდგნენ სათავეში.
მეორე მატჩს რუსთაველები 20 იანვარს, “დორდოი-დინამოსთან” ჩაატარებენ, ხოლო ჯგუფში დასკვნით შეხვედრას 22 იანვარს, “ვენტსპილსთან” გამართავენ.
“ოლიმპის” ყველა თამაში თბილისის დროით 14.00 საათზე დაიწყება.
ჯგუფიდან მომდევნო ეტაპზე ბრძოლას, ორი საუკეთესო გუნდი გააგრძელებს.
ტურნირის მეოთხედფინალები 23 იანვარს გაიმართება, ნახევარფინალები 25 იანვარს, ხოლო ფინალური მატჩი კი, 27 იანვარს ჩატარდება.
“თანამეგობრობის თასის” 16-წლიან ისტორიაში პირველად, ტურნირი არა მოსკოვში, არამედ, სანკტ-პეტერბურგში იმართება.