საქართველოს მოქმედი ჩემპიონი რუსთავის “ოლიმპის” ფეხბურთელთა გუნდი, ხვალ, სანკტ-პეტერბურგში “თანამეგობრობის თასის” პირველ მატჩს სერბეთის “ოფკ”-სთან გამართავს.
რუსთაველებთან და სერბებთან ერთად, ჯგუფში ლატვიის “ვენტსპილსი” და ყირგიზეთის “დორდოი-დინამო” მოხვდნენ.
მეორე მატჩს რუსთაველები 20 იანვარს “დორდოი-დინამოსთან” ჩაატარებენ, ხოლო დასკვნით შეხვედრას 22 იანვარს “ვენტსპილსთან” გამართავენ.
“ოლიმპის” ყველა თამაში თბილისის დროით 14.00 საათზე დაიწყება.
ჯგუფიდან მომდევნო ეტაპზე ბრძოლას ორი საუკეთესო გუნდი გააგრძელებს.
ტურნირის მეოთხედფინალები 23 იანვარს გაიმართება, ნახევარფინალები _ 25 იანვარს, ხოლო ფინალური მატჩი 27 იანვარს ჩატარდება.
“თანამეგობრობის თასის” 16-წლიან ისტორიაში პირველად, ტურნირი არა მოსკოვში, არამედ სანკტ-პეტერბურგში იმართება.