ქართველმა ფეხბურთელებმა _ ალექსანდრე გოგობერიშვილმა და ამირან მუჯირმა, რომლებიც აზერბაიჯანული კლუბის, “ბაკის” შემადგენლობაში თურქეთში ემზადებიან, გერმანიის “კოტბუსთან” ამხანაგურ მატჩში ითამაშეს.
როგორც აზერბაიჯანული ინტერნეტ-გამოცემა Azerifootball იუწყება, მატჩში, რომელიც გერმანელთა გამარჯვებით - 1:0 დასრულდა, გოგობერიშვილმა მხოლოდ პირველი ტაიმი ითამაშა, ხოლო მუჯირმა მოედანზე 90 წუთი დაჰყო. ქართველი ფეხბურთელები – ლევან მელქაძე და ლაშა ნოზაძე, ყაზახეთის ჩემპიონატში მოასპარეზე ყარაგანდის “შახტიორთან” ერთად, შეკრებაზე თურქეთში გაემგზავრნენ.
ამის შესახებ, “შახტიორის” ოფიციალური ვებ-გვერდი იუწყება.
ყარაგანდის “შახტიორი”, რომლის მთავარი მწვრთნელი რევაზ ძოძუაშვილია, 22 იანვარს ამხანაგურ მატჩს მოსკოვის “დინამოს” დუბლებთან გამართავს, 25-ში - ბუქარესტის “დინამოს” ეთამაშება, ხოლო 28 იანვარს რუსეთის პირველი ლიგის კლუბ “როსტოვს” შეხვდება.ბაქოს “ნეფთჩის” ქართველმა თავდამსხმელმა გიორგი ადამიამ, თურქეთში ყაზახეთის “ქაირთთან” გამართულ ამხანაგურ მატჩში ორი გოლი გაიტანა.
როგორც აზერბაიჯანული ინტერნეტ-გამოცემა Azerifootball იუწყება, ადამია მატჩის გმირი გახდა, ვინაიდან ქართველი ფეხბურთელი მოედანზე მეორე ტაიმში გამოვიდა, როდესაც “ნეფთჩი” თამაშს 0:2-ს აგებდა, მან ჯერ სხვაობა ერთ ბურთამდე შეამცირა, ხოლო შემდეგ ანგარიში სგაათანაბრა.
“ქაირათთან” არ უთამაშია “ნეფთჩიში” სინჯებზე მყოფ თეიმურაზ ხარჩილაძეს, რომელმაც ბაქოელთა თავკაცის ანატოლი დემიანენკოს მოთხოვნები ვერ დააკმაყოფილა.