გაისად ფუტსალში 21-წლამდელ ფეხბურთელთა შორის ევროპის ჩემპიონატი პირველად ჩატარდება. ტურნირს 6-14 დეკემბერს რუსეთი, ქალაქი სანკტ-პეტერბურგი უმასპინძლებს. გუშინ შვეიცარიის ქალაქ ნიონში, უეფა-ს შტაბ-ბინაში ევროპის 2008 წლის ჩემპიონატის შესარჩევი ტურნირის წილისყრა შედგა.
ფუტსალში საქართველოს 21-წლამდელთა ნაკრები პირველ შესარჩევ ჯგუფში მოხვდა სლოვენიის, ბელგიის და ბულგარეთის ახალგაზრდულ ნაკრებებთან ერთად. საკვალიფიკაციო მატჩებს 7-13 აპრილს სლოვენია უმასპინძლებს.
რუსეთი, როგორც ევროპის ჩემპიონატის მასპინძელი, შესარჩევი ტურნირისგან თავისუფალია. ფინალური ეტაპის საგზურებს მხოლოდ 7 საკვალიფიკაციო ჯგუფის გამარჯვებულები მოიპოვებენ.
|