შოთა არველაძისთვის, ესპანურ ”ლევანტეში” გადასვლა მეტად უიღბლო აღმონჩდა. ქართველი ახალ კლუბში ერთი კვირის მისული გახლდათ, რომ ვარჯიშზე ტრავმა მიიღო და დღემდე მოედანზე არ გამოჩენილა. შოთას, მუხლზე ოპერაციის გადატანა ორჯერ მოუხდა და რეაბილიტაციისთვისაც საკმაო დრო დასჭირდა. გუშინ ”ლევანტეს” ოფიციალურმა ვებგვერდმა გვაცნო, რომ არველაძე გუნდთან ერთად ვარჯიშს სრული დათვირთვით შეუდგა. ესპანელი ჟურნალისტების ცნობით, იგი ფიზიკურადაც დაიტვირთა, ბურთითაც ივარჯიშა და არავითარი პრობლემა არ შექმნია. თავად ფეხბურთელი, მოედანზე გასვლას იანვარში გეგმავს.
|