გერმანიის მეორე ბინდელიგის მორიგ ტურში, ”კაიზერსლაუტერნი” იენის ”კარლ ცაისს” იმასპინძლებს. დღევანდელი მატჩი საინტერესო იმით გახლავთ, რომ ”კაიზერის” სპორტული დირექტორი კლაუს ტოპმიოლერია, ხოლო იენელთა რიგებში კი გიორგი ონიანი, ილი კანდელაკი, გიორგი სეთურიძე და რევაზ ბარაბაძე ირიცხებიან. შეგახსენებთ, რომ კანდელაკი და ონიანი, საქართველოს ნაკრების გერმანელ თავკაცს ეროვნულ გუნდშიც ჰყავდა მიწვეული. თუმცა, როგორც ირკვევა, უახლოეს მომავალში, ბატონი კლაუსი მათ გამოძახებას ნაკრებში აღარ აპირებს. ეს მან გერმანულ გამოცემა ”ბილდთან” საუბრისას დაადასტურა: ”ჩემს მომავალ გეგმებში არცერთი მათგანი არ ჯდება. ნაკრებში ახალგაზრდა ფეხბურთელები გამოჩდნენ, რომლებისთვისაც მათ კონკურენციის გამოწევა გაუჭირდებათ”. რაც შეეხება უშუალოდ მომავალ თამაშს, ტოპმიოლერი ფიქრობს, რომ ”კაიზერს” რთული ბრძოლა ელის.