ჩვენი ნაკრები აქამდე ორჯერ შეხვედრია უელსის ნაკრებს: ევროპის 1996 წლის ჩემპიონატის შესარჩევ ტურნირში ქართველმა ფეხბურთელებმა თბილისში თემურ ქეცბაიას, გიორგი ქინქლაძის, შოთა არველაძის და გოჩა გოგრიჭიანის გოლებით 5:0 სძლიეს ბრიტანელებს, სტუმრად, კარდიფში კი გიორგი ქინქლაძის ბრწყინვალე გოლის წყალობით 1:0 მოიგეს. ორივე შეხვედრაში საქართველოს ეროვნულ ნაკრებს ალექსანდრე ჩივაძე წვრთნიდა.

ცნობისათვის: ევროპის 2008 წლის ჩემპიონატის შესარჩევ ტურნირში უელსის ნაკრებმა მეოთხე ჯგუფში იასპარეზა ჩეხეთის, გერმანიის, ირლანდიის, სლოვაკეთის, კვიპროსის და სან მარინოს ნაკრებებთან ერთად. ბრიტანელებმა 15 ქულით მე-5 ადგილი დაიკავეს.