სხვა ცნობებით, საუბარია არა 29 მატჩზე, არამედ 15-ზე, თუმცა სამწუხარო ისაა, რომ ამ შემთხვევაშიც მოხსენიებულია საქართველო. უეფას წარმომადგენელმა ტომას ჯორდანომ "ჩენელ 4"-ს განუცხადა: "ჩვენ გვაქვს გამაფრთხილებელი სისტემა აწყობილი, როცა საბუკმეკერო კომპანიები  რაიმე საეჭვოს ამჩნევენ რომელიმე მატჩთან დაკავშირებით, ისინი ამის შესახებ ჩვენ გვატყობინებენ. ეს არის ერთობლივი გამოძიება ჩვენი და ევროპოლის სადიციპლინო კომიტეტის. ევროპოლს ჩვენზე მეტი ძალაუფლება აქვს, ხალხის დაკითხვის და ინფორმაციების შეგროვების კუთხით".

ერთი კვირის წინ უეფამ დაიწყო გამოძიება ინტერტოტოს თასის მატჩზე, ბულგარულ "ჩერნო მორესა" და მაკედონიის "მაკედონიას" შორის მატჩზე, რომელიც ბულგარულმა გუნდმა 4:0 მოიგო. "ჩერნო მორეს" ხელმძღვანელობა უარყოფს, რომ ამ მატჩში რაიმე კანონგარეშე ჩაიდინა კლუბმა. ინგლისური ფეხბურთიუს ასოციაციის წარმომადგენელმა გრემ ბემ განაცხადა, რომ რადგან უეფამ საქმე პოლიციას გადასცა, ესე იგი ამ ორგანიზაციას სერიოზული მტკიცებულებები აქვს, რომ ის 15 მატჩი ჩაწყობილი იყო.

გუშინ უეფას პრეზიდენტმა მიშელ პლატინიმაც დაასატურა, რომ გამოძიება დაწყებულია. "უეფა და ევროპოლი ერთობლივად იძიებს 15 მატჩის საკითხს. ამის შესახებ ევროკავშირთან სერიოზული დისკუსიები გვქონდა 28 და 29 ნოემბრის ბრიუსელის კონგრესზე. მე მიყვარს ფეხბურთი და ყველაფერს გავაკეთებ მის დასაცავად". როგორც ჩანს, საბოლოოდ მხოლოდ 15 მატჩზე კეთდება აქცენტი, რომელიც წლევანდელი სეზონისაა, უეფას სპეციალური განაცხადის თანახმად მათში ერთიც არაა ევრო-2008 წლის საკვალიფიკაციო შეხვედრა. როგორც ჩანს, ამ მატჩებზე ფსონების მაქინაციით აზიურმა სინდიკატმა მილიონობით დოლარი იშოვნა. ინგლისური "თაიმსი" ახსენებს 2004 წლის უეფას თასის მატჩს თბილისის "დინამოსა" და ბერძნულ "პანიონიოსს" შორის, რომელიც ბერძენთა გამარჯვებით 5:2 დასრულდა, მაშინ ამ შეხვედრამ საბუკმეკერო კანტორებში უჩვეულოდ ბევრი ადამიანი დააინტერესა. უეფას გამოძიება არ დასრულებულა და მას საბოლოო ვერდიქტი ამ თამაშზე არ გამოუტანია - წერს "თაიმსი". თუმცა ფაქტია, რომ ახალ სკანდალს ეს მატჩი არ ეხება, რადგან საუბარია 2005 წლის და მის მერე გამართულ საეჭვო მატჩებზე.