კახა კალაძის შესაძლო ტრანსფერმა ნამდვილი აურზაური გამოიწვია "ლივერპულში", შესაძლოა ამას გუნდის ესპანელი მთავარი მწვრთნელის რაფაელ ბენიტესის მერსისაიდული კარიერა შეეწიროს. ყველაფერი კი იმით დაიწყო, რომ რაფა ბენიტესმა "ნიუკასლთან" მატჩის შემდგომ პრესკონფერენციაზე საჯაროდ გააკრიტიკა კლუბის მფლობელი ამერიკელების ტომ ჰიკსის და ჯორჯ ჯილეტის სატრანსფერო პოლიტიკა.
რაფა ჟურნალისტებს გამოუტყდა, რომ იანვარში ის კახა კალაძის შეძენას გეგმავდა 4 მილიონ ფუნტ სტერლინგად, მაგრამ მან ვერ მიაღწია თუნდაც იმას რომ კლუბის მფლობელებთან ამ საკითხზე საუბარი გამართულიყო. ტომ ჰიკსმა რაფას უთხრა, რომ სატრანსფერო პოლიტიკაზე კლუბში 16 დეკემბერს ისაუბრებენ, ესპანელი თავკაცი კი მიიჩნევს, რომ ამ დროისთვის უკვე შეუძლბელი იქნება კალაძის ტრანსფერის გაჩარხვა. რაფა ბენიტესს მიაჩნია, როიმ ლივერპულის დაცვის ცენტრი გაძლიერებას საჭიროებს, გნასაკუთრებით კი ფინელ სამი ჰიიპას სჭირდება შემცვლელი. ბენიტესის კრიტიკამ უკურეაქცია გამოწვია, შესაძლოა ის საერთოდ მოხსნან კიდეც. გაზეთი "ლივერპულ ექო", რომელიც კლუბის მფლობელთა პოზიციას იზიარებს საეჭვოდ მიიჩნევს, რომ ამ სიტუაციაში ბენიტესი შეძლებს ქართველი მცველის "ენფილდზე" გადაყვანას.
|