საქართველოს ნაკრებმა ფუტსალში დღეს სპორტკომპლექს ”ქარიშხალას” დარბაზში ინგლისის ნაკრებს მეორედ უმასპინძლა და ამჯერად დიდი უპირატესობით 7:3 გაიმარჯვა.
პირველი ტაიმი ინგლისელებმა 2:1 მოიგეს, თუმცა მეორე ნახევარში ქართველმა ფეხბურთელებმა ზედიზედ 6 გოლი გაიტანეს. მატჩის უკანასკნელი გოლი ბელინგერისა იყო, რომელმაც ჰეთ-თრიქი შეასრულა.
შეგახსენებთ, რომ გუშინ ჩვენმა გუნდმა პირველი მატჩი 4:3 მოიგო.
მეტოქეებმა შემდეგი შემადგენლობებით ითამაშეს:
საქართველო: ზაქაიძე, კუბლაშვილი, იოსებიძე, ჩალაძე, ცნობილაძე, დარჩია, ოსეფაშვილი, კაკაშვილი, ბოკერია, ასათიანი, ნეფარიძე, გაბუჩია, მშვიდობაძე, ზუმბაძე
მწვრთნელი: პეტრე თაბუკაშვილი
ინგლისი: ტორნტონი, უოტსონი, ალანსონი, ბელინგჰემი, მედისონი, კოლი, ტორიეფი, ჰარისონი, დელეინი, ტეკნოტი, ბადი, ბუდლოფი, ბელინგერი
მწვრთნელი: გრემ დელი
|